38 ஊழ்-order-method

​

இந்த அதிகாரத்தைப் புரிந்து கொள்ள ஊழ் என்ற வார்த்தையை நன்றாகப் புரிந்து கொள்ள வேண்டும். ஊழ் என்பதற்குப் பல அர்த்தம் உண்டு ( விதி, பழைமை, பழவினை, தலைவிதி, பழவினைப்பயன், முறைமை,, பிரமாணம் )

இதில் ஊழ் என்பதற்கு விதி, வல்வினை, வினைப்பயன் என்று அர்த்தம் எடுப்பவர்கள் அனேகர், ஆனால் முறைமை அல்லது பிரமாணம் என்ற அர்த்தமே சரியானதாக அமையும்.

 

விதி என்ற முறை பொதுவாக ஒரு திட்டவட்டமான, நிறுவப்பட்ட, தர்க்கரீதியான அல்லது முறையான திட்டத்தின் படி, ஒரு தீர்க்கப்பட்ட செயல்முறையைக் குறிக்கிறது. அதாவது ஒரு செயல் செய்யப்படுவதற்குக் கொடுக்கப்படும் விதிமுறை கோட்பாடு ( rule and method ) ஆகும். இந்த விதிமுறை மனிதனின் வாழ்க்கைக்கும் உண்டு, மற்றும் எல்லாச் செயல்களுக்கும் உண்டு, உதாரணமாக கெப்லரின் மூன்று விதிகள் கிரகங்கள் எவ்வாறு சூரியனைச் சுற்றி வருகின்றன என்பதை விவரிக்கிறது  The Kepler's three laws describe how planetary bodies orbit the Sun, )  விதிமுறை என்பது ஒரு மனிதனுக்குத் தெய்வத்தால் விதிக்கப்பட்ட விதி ( Fate)  என்றும் அது பழவினைப்பயன் என்றும் அல்ல.

 

விதியை மதியால் வெல்லலாம்

விதியை மதியால் வெல்லலாம் என்றால், இறைவனால் விதிக்கப்பட்ட வாழ்க்கை முறைமையை நம்முடைய பக்தி மற்றும் ஒழுகத்தின் செயல்களினால் மாற்றாலாம் என்பதாகும்.

தனிப்பட்ட ஒரு மனிதனுக்கு இறைவனால் கொடுக்கப்படும் வாழ்க்கை முறைமையை விதி என்று கூறுகிறோம். அந்த மனிதன் தனக்குக் கொடுக்கப்பட்ட விதிக் கோட்பாட்டைத் தெய்வத்தை வணங்குவதினாலும், துதிப்பதினாலும், மாற்றி அமைக்க முடியும், அதையே தெய்வத்தின் கிருபை என்று கூறுகிறோம். இதனால் தான் விதியை மதியால் வெல்ல முடியும் என்று கூறுவார்கள்

 

முயற்சி திருவினையாக்கும்

திருவள்ளுவர் தனது 616வது குறளில் திருவினை என்ற வார்த்தையை உபயோகப் படுத்தியுள்ளார். திருவினை என்பது நல்ல காரியங்களைக் குறிக்கிறது. திருவினை என்னும் பதம் நல்ல காரியங்களைக் குறிக்குமானால் ஊழ் என்ற வினை விதிக்கப்பட்ட முறைமைகளையே குறிக்கும் என்பதில் சந்தேகம் இல்லை. அது தலை விதி. என்பதைக் குறிக்க வில்லை

 

உதாரணம்

​

ஒரு ஏழை வீட்டில் பிறக்கும் ஒரு பிள்ளை ஏழையாகவே வாழ்ந்து வந்தால் அதை வினை என்று அழைக்கிறோம் அல்லது இறைவனால் விதிக்கப்பட்ட விதிமுறைமை என்று அழைக்கிறோம். இந்த விசயத்தை ஆராய்ந்து பார்த்தால் அவன் ஏழையாகவே பிறந்து ஏழையாகவே மரிக்க வேண்டும் என்பது விதியாகும். இதை விதி என்று எடுத்தால் அதை அவன் நினைத்தாலும் மாற்ற முடியாது என்பதே ஆகும். ஆனால் தெய்வத்தின் அருளால் அவன் வாழ்க்கையில் முன்னேற முயற்சி எடுக்கும் போது அவனுக்கு அந்த ஏழ்மை நிலைமை மாறி அவன் வாழ்வு வளம் பெருகுகிறது. அது திருவினையாகும்.

 

குறள் 616:  kural 616

முயற்சி திருவினை ஆக்கும் முயற்றின்மை
இன்மை புகுத்தி விடும்

​

சொற்பொருள்

முயற்சி  = ஒரு மனிதன் எந்த ஒரு காரியத்தையும் செய்யத் தெய்வத்தின் அருளோடு   முயற்சி எடுத்தால் அந்த முயற்சியானது அவனுக்கு

திருவினை ஆக்கும்  = நல்ல காரியங்களைக் கொண்டு வந்து சேர்க்கும்

முயற்றின்மை = ஒரு மனிதன் எந்த ஒரு காரியத்தையும் தெய்வத்தின் அருளோடு முயற்சி செய்து பார்க்காத தன்மையுடன் இருந்தால்

இன்மை புகுத்தி விடும் = அவனுக்கு அந்த முயற்சி இன்மை, அவன் வாழ்வில் வறுமையைக் கொண்டு வந்து சேர்க்கும்.

 

விளக்கம்

ஒரு மனிதன் எந்த ஒரு காரியத்தையும் செய்யத்  தெய்வத்தின் அருளோடு  முயற்சி எடுத்தால் அந்த முயற்சியானது அவனுக்கு  நல்ல காரியங்களைக் கொண்டு வந்து சேர்க்கும்.  ஒரு மனிதன் எந்த ஒரு காரியத்தையும் தெய்வத்தின் அருளோடு முயற்சி செய்து பார்க்காத தன்மையுடன் இருந்தால்  அவனுக்கு அந்த முயற்சி இன்மை, அவன் வாழ்வில் வறுமையைக் கொண்டு வந்து சேர்க்கும்.

 

பரிசுத்த வேதாகமம்

கர்த்தருக்குக் காத்திருக்கிறவர்களோ புதுப்பெலனடைந்து, கழுகுகளைப்போலச் செட்டைகளை அடித்து எழும்புவார்கள்; அவர்கள் ஓடினாலும் இளைப்படையார்கள், நடந்தாலும் சோர்ந்துபோகார்கள். ஏசாயா 40:31

கர்த்தரின் ஆசீர்வாதமே ஐசுவரியத்தைத் தரும்; அதனோடே அவர் வேதனையைக் கூட்டார். நீதி 10:22