37. அவா அறுத்தல் - இச்சை அகற்றுதல் - Holyness

​

அவா என்பது ஆசை அல்லது இச்சை ஆகும். இந்த ஆசை என்பது ஒரு மனிதனைத் தன் கட்டுப்பாட்டில் வைத்துக் கொள்ளும், அப்படி ஒருவன் இச்சையினால் நிரம்பி வாழ்ந்தால் அவனுடைய வாழ்க்கை அதற்கு அடிமையாகிவிடும் இது ஒரு உளவியல் சம்பந்தப்பட்ட சக்தியாகும். இது ஒரு பொருத்தமற்ற ஆசையாகும். இச்சை என்பது பாலியல், காதல், பணம், உணவின் மீதான இச்சை  போன்ற எந்த வடிவத்தையும் எடுக்க முடியும்.

 

அவா அறுத்தல் என்றால் பரிசுத்தமாய் வாழ்தல் ஆகும். ஒரு மனிதன் இந்தப் பூமியில் வாழ வேண்டும் என்றால் அவனுக்குத் தெய்வத்தின் துணை அவசியம். இச்சையாகிய பாவம் உள்ளத்திற்குள் வராதபடி அவன் தன்னைக் காத்துக் கொள்ளவேண்டும்.

இச்சை என்ற வார்த்தையைப் பற்றியும் பரிசுத்தம் என்ற வார்த்தையைப் பற்றியும் பரிசுத்த வேதாகமம் முழுமையாகச் செல்லப்பட்டுள்ளது.

 

பரிசுத்தம் இல்லாமல் ஒருவனும் கர்த்தரை  தரிசிக்க முடியாது என்பதைப் பரிசுத்த வேதாகமம் கூறுகிறது.

“யாவரோடும் சமாதானமாயிருக்கவும், பரிசுத்தமுள்ளவர்களாயிருக்கவும் நாடுங்கள்; பரிசுத்தமில்லாமல் ஒருவனும் கர்த்தரைத் தரிசிப்பதில்லையே”.   எபிரெயர் 12:14

அதையே திருவள்ளுவர் தன்னுடைய  அவா அறுத்தல் என்ற அதிகாரத்தில் கூறியுள்ளார்.

 

குறள் 361: kural 361

அவாவென்ப எல்லா உயிர்க்குமெஞ் ஞான்றுந்
தவாஅப் பிறப்பீனும் வித்து

 

அவா என்ப   = அவா என்பது ஆசையினால்

எல்லா உயிர்க்கும் =  எல்லா உயிர்களுக்கும் உண்டாகும் இச்சையாகும்

மெஞ்ஞான்றுந்  = அந்த இச்சை எல்லாக் காலத்திலும்

தவா   =  அழியாத ஒன்று ஆகும் 

அப்பிறப்பு ஈனும்  = அந்த இச்சை ஒருவன் பிறக்கும் போதே அவனது இரத்தத்தில் இருந்து உண்டாகும்

வித்து   = மரபு வழி இச்சையாகும்.

 

விளக்கம்

அவா என்பது ஆசையினால் எல்லா உயிர்களுக்கும் உண்டாகும் இச்சையாகும், அந்த இச்சை எல்லாக் காலத்திலும் அழியாத ஒன்று ஆகும். அந்த இச்சை ஒருவன் பிறக்கும் போதே அவனது இரத்தத்தில் இருந்து உண்டாகும் மரபு வழி இச்சையாகும்.

 

பரிசுத்த வேதாகமம்

அவனவன் தன்தன் சுய இச்சையினாலே இழுக்கப்பட்டு, சிக்குண்டு, சோதிக்கப்படுகிறான்.  பின்பு இச்சையானது கர்ப்பந்தரித்து, பாவத்தைப் பிறப்பிக்கும், பாவம் பூரணமாகும்போது, மரணத்தைப் பிறப்பிக்கும்.  யாக்கோபு 1:14-15

 

ஞான்று : பொழுது காலம்

தவா :  கெடாத தவறாத அழியாத

வித்து :  விதை விந்து மரபுவழி வழித்தோன்றல்