குறள் 389 -- கடுஞ்சொற்களைப் பொறுத்துக் கொண்ட தெய்வம்

 

செவிகைப்பச் சொற்பொறுக்கும் பண்புடை வேந்தன்
கவிகைக்கீழ்த் தங்கு முலகு

 

இந்த குறள் இறைமாட்சி என்ற 39ம் அதிகாரத்தில் கீழ் வருகிறது. இந்த அதிகாரம் இறைவனின் பெருமை கூறும் ஒரு அதிகாரம் ஆகும். இறைவனின் பெருமை கூறும் அதிகாரத்தில் இறைவனின் பெருமை பேசுவதற்குப் பதிலாக நாட்டை ஆண்ட அரசனின் பெருமை பேசுவதாக நினைத்து அர்த்தங்கள் எழுதப்பட்டுள்ளது.  நாம் தெய்வத்தை அரசன் (பதி) என்றே அழைக்கிறோம். எனவே இந்த அதிகாரத்தில் வரும் அரசன், வேந்தன், நிலன் ஆள்பவர், மற்றும் மன்னன் என்ற வார்த்தைகள் அனைத்தும் இறைவனையே குறிக்கிறது.

( உதாரணமாகத் திருப்பதி, ( திரு+ பதி ) கணபதி (கணங்கள் + பதி ) தியாகராஜன், நடராஜன், என்று பல பெயர்களில் தெய்வத்தை அழைக்கிறோம். )

 

இந்த அதிகாரத்தில் குறள் 390 இல் செங்கோல் என்ற வார்த்தை வருகிறது அந்த வார்த்தை அரசனின் செங்கோலைப் பற்றிப் பேசவில்லை அது இறைவனின் செங்கோலாகிய சிலுவை மரத்தைப் பற்றியே பேசுகிறது.

 

குறள் 389 சிலுவையில் கொலை செய்யப்படும்படி கைது செய்யப்பட்டதில் இருந்து மரணம் வரை கடுஞ் சொற்களைப் பொறுத்துக் கொண்டதைப் பற்றியும், அவர் சிலுவையில் தன்னையே தியாகமான பலியாக ஒப்புகொடுத்தைப் பற்றியும் பேசுகிறது.

 

குறள் 381 தெய்வத்தை நரசிம்மன் என்று கூறுகிறது.

குறள் 381 தெய்வத்தைப் படைகளை உடையவர் அதாவது தண்டீஸ்வரர் என்று கூறுகிறது  குறள் 382 தெய்வத்தை மெய்ஞ்ஞானமுடையவர் என கூறுகிறது

குறள் 383 தெய்வத்தை உறங்காமல் பாதுகாப்பவர் என கூறுகிறது.

குறள் 384 தெய்வத்தைப் பரிசுத்தம் உள்ளவர் என கூறுகிறது.

குறள் 385 தெய்வத்தை வேறுபி ரித்தவர் என கூறுகிறது.

குறள் 386 தெய்வத்தை ஏழைக்கோலம் எடுத்தவர் என கூறுகிறது.

குறள் 387 தெய்வத்தை வார்த்தையினால் இந்த உலகத்தை உண்டாக்கினவர் என கூறுகிறது.

குறள் 388 தெய்வத்தை இரட்சிப்பவர் என கூறுகிறது.

குறள் 389 தெய்வத்தைத் தியாகராஜன் (பலியானவர்) என கூறுகிறது.

குறள் 390 தெய்வத்தைச் செங்கோலில் (சிலுவையில்) மரித்தவர் என கூறுகிறது.

இந்த அதிகாரம் முழுமையாக ஆராய்ந்து பார்த்தால், இறைமாட்சி என்பது இறைவனின் பெருமை என்பதே ஆகும்.

 

குறள் 389  kural 389

செவிகைப்பச் சொற்பொறுக்கும் பண்புடை வேந்தன்
கவிகைக்கீழ்த் தங்கு முலகு

 

செவிகைப்பச்    = சிலுவை மரணத்தின் போது செவி கசக்கும் படி குறைகூறினவர்களின்

சொற்பொறுக்கும் = கடுஞ்சொற்களையும் பொறுத்துக் கொண்ட

பண்புடை        = குணத்தை உடைய

வேந்தன் கவிகை   = தெய்வத்தின் தியாகத்தின்

கீழ் தங்கும் முலகு  = கீழே வந்து இளைப்பாறும் இந்த உலக மக்கள்

 கைத்தல், வினைச்சொல். அலங்கரித்தல் · அலைத்தல் · கசத்தல்; நைந்து வருந்துதல்; சினத்தல் · செலுத்துதல் · ஊட்டுதல் -----   கவிகை  --- வளைவு; குடை; நன்மை தீமை; ஈகம், தியாகம்.

 

விளக்கம்

இயேசு கிறிஸ்துவை சிலுவையில் அறைவதற்க்காகக் கைது செய்ததில் இருந்து அவர் சிலுவையில்  மரணத்தை சந்திக்கும் வரை அவரை அனேகர் நிந்திக்கவும், பரியாசம் பண்ணவும், கடும் செற்கள் பேசவும் செய்தனர்,  அப்படி மக்கள் அவர் செவி கசக்கும் படி குறைகூறினதையும், அவர்களின் கடுஞ்சொற்களையும் பொறுத்துக் கொண்டு தன்னை தானே சிலுவையில் ஜீவ பலியாக ஒப்புக்கொடுத்தார். அப்படிப்பட்ட குணத்தை உடைய தெய்வத்தின் தியாகத்தின் கீழே உலகத்தின் மக்கள் அனைவரும் வந்து இளைப்பாறுவார்கள்.

 

பரிசுத்த வேதாகமம்

அவர் வஸ்திரங்களைக் கழற்றி, சிவப்பான மேலங்கியை அவருக்கு உடுத்தி, முள்ளுகளால் ஒரு முடியைப் பின்னி, அவர் சிரசின்மேல் வைத்து, அவர் வலதுகையில் ஒரு கோலைக்கொடுத்து, அவர் முன்பாக முழங்காற்படியிட்டு: யூதருடைய ராஜாவே, வாழ்க என்று அவரைப் பரியாசம்பண்ணி,  அவர்மேல் துப்பி, அந்தக் கோலை எடுத்து, அவரைச் சிரசில் அடித்தார்கள்.  மத்தேயு 27:28-30 அந்த வழியாய் நடந்துபோகிறவர்கள் தங்கள் தலைகளைத் துலுக்கி:  தேவாலயத்தை இடித்து, மூன்று நாளைக்குள்ளே கட்டுகிறவனே, உன்னை நீயே ரட்சித்துக்கொள்; நீ தேவனுடைய குமாரனானால் சிலுவையிலிருந்து இறங்கி வா என்று அவரைத் தூஷித்தார்கள். அப்படியே பிரதான ஆசாரியரும் வேதபாரகரும் மூப்பரும் பரியாசம்பண்ணி:  மற்றவர்களை ரட்சித்தான்; தன்னைத்தான் ரட்சித்துக்கொள்ளத் திராணியில்லை; இவன் இஸ்ரவேலின் ராஜாவானால் இப்பொழுது சிலுவையிலிருந்து இறங்கிவரட்டும், அப்பொழுது இவனை விசுவாசிப்போம்.தன்னை தேவனுடைய குமாரனென்று சொல்லி, தேவன்மேல் நம்பிக்கையாயிருந்தானே; அவர் இவன்மேல் பிரியமாயிருந்தால் இப்பொழுது இவனை இரட்சிக்கட்டும் என்றார்கள். அவரோடேகூடச் சிலுவைகளில் அறையப்பட்ட கள்ளரும் அந்தப்படியே அவரை நிந்தித்தார்கள்    மத்தேயு 27:39-44

இளைப்பாறுதல்

வருத்தப்பட்டுப் பாரஞ்சுமக்கிறவர்களே! நீங்கள் எல்லாரும் என்னிடத்தில் வாருங்கள்; நான் உங்களுக்கு இளைப்பாறுதல் தருவேன்.  நான் சாந்தமும் மனத்தாழ்மையுமாயிருக்கிறேன்; என் நுகத்தை உங்கள்மேல் ஏற்றுக்கொண்டு, என்னிடத்தில் கற்றுக்கொள்ளுங்கள். அப்பொழுது, உங்கள் ஆத்துமாக்களுக்கு இளைப்பாறுதல் கிடைக்கும்.  மத்தேயு 11: 28-29