தவத்தினால் உண்டாகும் தவம் என்ன ?

குறள் 262:  ---  kural 262

தவமுந் தவமுடையார்க் காகும் அவமதனை
அஃதிலார் மேற்கொள் வது

​

தவமுந் தவமுடையார்கு = தெய்வம் சிலுவையில் மேற்கொண்ட தவத்தைத் தானும் ஏற்றுக் கொண்டவர்களுக்கு

ஆகும் = எல்லாம் ஆகும் (இந்த உலக வாழ்க்கையில் நன்மைகள் மற்றும் பரலோக வாழ்க்கையும் கிடைக்கும்

அவமதனை = அப்படி தவத்தின் வாழ்க்கை செய்யாமல்
அஃதிலார் மேற்கொள்வது = இருப்பவர்கள் தீமையை ( நரகத்தை ) மேற்கொள்ள முடியாது.

​

விளக்கம்

தெய்வம் மனிதக்குலத்துக்காகச் செய்த தவத்தை அறிந்து அந்த தவத்தின் காரியங்களைத் தானும் செய்பவர்க்கு எல்லாம் ஆகும். அந்த தவத்தின் பயனைச் செய்யாதவர்கள் தீமையை ( நரகத்தை ) மேற்கொள்ள முடியாது.

​

நாலடியார் 4ம் அதிகாரம் 31வது படலில் ஆசிரியர் தவத்தால் தவம் செய்யாதவர்க்கு என்ன நேரிடும் என்று கூறுகிறார்.

நாலடியார் 4-ஆம் அதிகாரம் - அறன் வலியுறுத்தல் பாடல்: 31 (அகத்தாரே)

அகத்தாரே வாழ்வாரென் றண்ணாந்து நோக்கிப்| 

புகத்தாம் பெறாஅர் புறங்கடை - பற்றி

மிகத்தாம் வருந்தி யிருப்பரே மேலைத்| 

தவத்தாற் றவஞ்செய்யா தார். (01

​

தெய்வம் செய்த தவத்தை பின் பற்றி தவம் செய்யாதவர்கள், இந்த பூலோக வாழ்வே இன்பம் என்று கருதி உயர்ந்தோங்கி நிற்கும் ஒரு வீட்டை அண்ணாந்து பார்த்து (இறைவன் ஏற்படுத்தி இருக்கும் பரலேக வீட்டை) அதற்கு உள்ளே போக முடியாதவர்களாகி தலை வாயிலைப் பிடித்துக் கொண்டு மிக வருந்தியிருப்பர்.

​

பரிசுத்த வேதாகமம்

............ என்னை விசுவாசிக்கிறவன் நான் செய்கிறகிரியைகளைத் தானும் செய்வான், இவைகளைப்பார்க்கிலும் பெரிய கிரியைகளையும் செய்வான். யோவான் 14:12

​