குறள் 20 - kural 20    நீரின்றி அமையாது

​

நீரின் றமையா துலகெனின் யார்யார்க்கும்
வானின் றமையா தொழுக்கு

 

"பூர்வகாலத்தில் தேவனுடைய வார்த்தையினாலே வானங்களும், ஜலத்தினின்று தோன்றி ஜலத்தினாலே நிலைகொண்டிருக்கிற பூமியும் உண்டாயினவென்பதையும், அப்பொழுது இருந்த உலகம் ஜலப்பிரளயத்தினாலே அழிந்ததென்பதையும் மனதார அறியாமலிருக்கிறார்கள்."  Bible

 

இந்த குறள் வான் சிறப்பு என்ற அதிகாரத்தின் கீழ் வருகிறது வான் என்பது பரலோகம் ஆகும். எனவே வான் சிறப்பு என்பது வானத்தில் இருந்து வரும் அருள் அல்லது கடவுளின் ஆவி அதாவது தூய ஆவி (HOLY SPRIT )பற்றிய சிறப்புக் கூறும் பகுதி ஆகும்

பொதுவாகப்பார்க்கும் போது நீர் மற்றும் மழையைப்பற்றிக் குறிப்பிடுவதாகத்தெரியும் ஆராய்ந்து பார்க்கும் போது வான் சிறப்பு என்பது வானிலிருந்து வரும் அமிழ்தம் அல்லது தூய ஆவியைப்பற்றிக் குறிப்பிடுவதை அறிந்துகொள்ளமுடியும்.

 

திருவள்ளுவர் தம்முடைய 11 வது குறளில் வானிலிருந்து வரும்‘ அருள்’ அல்லது ‘மாரியை’அமிழ்தம் எனகுறிப்பிடுகிறார், அமிழ்தம் என்பதற்கு தேவலோகத்தில் உள்ள பானம் அதாவது `பரிசுத்தஆவி` என்று பொருள்

 

20வது குறளுக்கு விளக்கம் கொடுக்கப்பட்ட போது சிலர் ஒழுக்கு என்ற வார்த்தையை மழைத்துளிக்கு ஒப்பாக எடுத்து விளக்கம் கொடுத்துள்ளனர், சிலர் ஒழுக்கு என்ற வார்த்தைக்கு ஒழுக்கம் என்று எடுத்துள்ளனர். ஒழுக்கு என்ற வார்த்தைக்கு ஒழுக்கம் என்ற அர்த்தமே சரியானது

 

குறள் 20

நீரின் றமையா துலகெனின் யார்யார்க்கும்
வானின் றமையா தொழுக்கு

 

நீரின்றி அமையாது உலகு எனின்  = நீர் இல்லாமல் இந்த உலகம் உண்டாகவில்லை,

யார்யார்க்கும்    =   பூமியில் உள்ள எல்லா மனிதர்களுக்கும்
வானின்றி        = பரலோகத்தில் இருந்து வரும் தெய்வத்தின் பரிசுத்த ஆவியாகிய அருள் இல்லாமல்

அமையாது ஒழுக்கு = ஒழுக்கம் உண்டாகாது

 

விளக்கம்

இந்த உலகம் தெய்வத்தின் வார்த்தையினால் அமைந்து உருவாகிய போது நீரிலிருந்தும் நீராலும் நிலைபெற்றிருந்தது இந்த பூமி தண்ணீரினால் நிறைந்து இருந்தது, அதே போல் தண்ணீர்களுக்கு மேலே இந்த பூமி அமைந்துள்ளது, அதையே நீர் இன்றி அமையாது என குறிப்பிடப்பட்டுள்ளது, ஏனென்றால் எந்த கிரகங்களிலும் தண்ணீர் கிடையாது, நாம் வாழும் உலகமாகிய இந்த பூமியில் மட்டுமே மனிதனும் மற்ற உயிர் இனங்களும் வாழ்வதற்குத் தண்ணீர் உண்டாக்கி கொடுத்துள்ளார். எனவே நீர் இன்றி அமைந்திருக்க முடியாது இந்த உலகு. அதேபோல் வானமாகிய பரலோகத்தில் இருந்து வரும் தெய்வத்தின்  பரிசுத்த ஆவிதான் மனிதக் குலத்துக்கு ஒழுக்கத்தைக் கொடுக்கமுடியும்.

 

அதே போல் தண்ணீர்களுக்கு மேலே இந்த பூமி அமைந்துள்ளது, பார்க்கவும்

https://www.youtube.com/watch?v=HH_yNerv8XY

 

​

​

​

​

​

​

​

​

​

​

பரிசுத்த வேதாகமம்

பழங்காலத்திலிருந்தே கடவுளுடைய வார்த்தையால் விண்ணுலகும் மண்ணுலகும் தோன்றின. மண்ணுலகம் நீரிலிருந்தும் நீராலும் நிலைபெற்றிருந்தது என்பதை இவர்கள் வேண்டுமென்றே மறந்து விடுகிறார்கள். 6அந்த நீராலே, வெள்ளப் பெருக்கினால் அப்போதிருந்த உலகம் அழிவுற்றது.   2 பேதுரு 3:5-6

தண்ணீர்களுக்கு மேலே பூமியைப் பரப்பினவரைத் துதியுங்கள்; அவர் கிருபை என்றுமுள்ளது.       

  சங்கீதம் 136:6

ஆதியிலே தேவன் வானத்தையும் பூமியையும் சிருஷ்டித்தார்.பூமியானது ஒழுங்கின்மையும் வெறுமையுமாய் இருந்தது; ஆழத்தின்மேல் இருள் இருந்தது; தேவ ஆவியானவர் ஜலத்தின்மேல் அசைவாடிக்கொண்டிருந்தார்.

பின்பு தேவன்: வானத்தின் கீழே இருக்கிற ஜலம் ஓரிடத்தில் சேரவும், வெட்டாந்தரை காணப்படவும் கடவது என்றார்; அது அப்படியே ஆயிற்று. தேவன் வெட்டாந்தரைக்குப் பூமி என்றும், சேர்ந்த ஜலத்திற்குச் சமுத்திரம் என்றும் பேரிட்டார்; தேவன் அது நல்லது என்று கண்டார்.   ஆதி 1:1,2,9,10

 

ஒழுக்கு

ஒழுக்கு என்ற வார்த்தை ஒழுக்கத்தைக் குறிக்கிறது, இதை அறிந்து கொள்ளக் குறள் 148 ஐப் பார்க்க வேண்டும்.. குறள் 148 ல் ஒழுக்கு என்ற வார்த்தை ஒழுக்கம் என்ற அர்தத்தில் எழுதப்பட்டுள்ளது, குறள் 20 மற்றும் 148ன் படி ஒழுக்கு என்றால் ஒழுக்கம் என்பது அர்த்தம் ஆகும்.