குறள் 550 -- மன்னிப்பு - சிலுவையில் முதல் வார்த்தை

 

"இயேசு கிறிஸ்து ---- பிதாவே இவர்களுக்கு மன்னியும், தாங்கள் செய்கிறது இன்னதென்று அறியாதிருக்கிறார்களே என்றார்."

 

கொலையிற் கொடியாரை வேந்தொறுத்தல் பைங்கூழ்
களைகட் டதனொடு நேர்   ----    kural 550

 

திருவள்ளுவர் எழுதிய 550வது குறள் சிலுவையில் தன்னை கொலைசெய்த கொடியவர்களை மன்னித்த இயேசு கிறிஸ்துவைப் பற்றி அழகாகச் சொல்லுகிறது.

​

இந்த குறளில்  தெய்வம் சிலுவையில் கொடியவர்களால் கொல்லப்படும் போது, தெய்வம்  தன்னை கொலைசெய்ய முயன்று ஒப்புக்கொடுத்த மக்களை மன்னித்தது ஒரு பகுதி ஆகும்.

மற்றும் தன்னோடு சிலுவையில் அறையப்பட்ட கள்வனை மன்னித்து தெய்வத்தோடு ஒன்று சேர்த்து பரலோகம் அழைத்து சென்றார். இது இரண்டாவது பகுதியாகும்.

இந்த இரண்டு காரியங்களை நிறைவேற்றி மனிதர்களை இரட்சித்து அவர்களுக்குப் பரலோக வாழ்க்கை கொடுப்பது இயேசு கிறிஸ்துவுக்கு நல்ல பைங்கூழ் ஆகும். அதாவது சிறந்த உணவு ஆகும்.

இதை விளக்கமாகப் பார்ப்போம்.

​

குறள் 550:

​

கொலையிற் கொடியாரை வேந்தொறுத்தல் பைங்கூழ்
களைகட் டதனொடு நேர்

​

கொலையிற்   =  சிலுவையில் மரண தண்டனை பெற்ற போதும்

கொடியாரை   =  தன்னை மரணத்துக்கு ஒப்புக்கொடுத்தவர்களை

வேந்தொறுத்தல் = மன்னித்தது தெய்வம்

பைங்கூழ்        =   மனித குமாரனுக்கு ஏற்ற உண்மையான உணவு ஆகும்

களை                 =   குற்றம் செய்த கள்வனை

கட்டதனொடு = மன்னித்து தன்னுடன் சேர்த்து

நேர்                   =  ஒப்புரவு ஆக்கி பரலோகம் சேர்த்தது தெய்வம்

​

விளக்கம்

தெய்வம் தான் சிலுவையில் தொங்கும் போது தன்னை கொலை செய்ய ஒப்புக்கொடுத்த கொடியவர்களைத்  தெய்வம் மன்னித்தது, அதே போல் பாவம் செய்து சிலுவையில் தன்னோடு கூட அறையப்பட்ட இரண்டு கள்ளர்களில் ஒருவன் இயேசு கிறிஸ்துவிடம் ஒப்புரவு ஆகி மன்னிப்பைப் பெற்றுக்கொண்டதால் தெய்வம் அவனை தன்னோடு கூட பரலோகத்தில் இருப்பதற்கு அழைப்பைக் கொடுத்தார். அந்தப்படி பாவம் செய்த மனிதர்களை மன்னித்து பிதாவாகிய தெய்வத்தோடு ஒப்புரவு ஆக்கி பரலோகம் அழைத்துச் செல்வதுவே மனித உருவில் வந்த தெய்வமாகிய மனித குமாரனுக்கு ஏற்ற நல்ல உணவு ஆகும்.

 

இதைப் பற்றி நன்கு அறிய ஓல்லும் வகையான் யார் ? என்ற பக்கத்தைப் பார்க்கவும்.  (GO)

 

(களை = kaḷai   s. tares weeds; 2. dross, refuse, defect, குற்றம்; 3. weariness, அயர்வு; 4. beauty, lustre, அழகு; 5. one of the ten rules for keeping time, தாளப்பிரமாணம்.  கட்டதன் = காயத்ரி மூன்று தேகக் கட்டதன் சொரூப மாகும் தெய்வம் )

​

1) கொலையிற் கொடியாரை வேந்தொறுத்தல்

​

இயேசு கிறிஸ்து சிலுவையில் அறையப்பட்டு இருக்கும் போது  "பிதாவே, இவர்களுக்கு மன்னியும், தாங்கள் செய்கிறது இன்னதென்று அறியாதிருக்கிறார்களே" (லூக்கா 23:34). என்று கூறினார். இயேசு கிறிஸ்துவின் ஜெபம் மிகவும் எளிமையானது பிதாவே இவர்களுக்கு மன்னியும் என்று வேண்டிக்கொண்டார். மனித குமாரனாகிய இயேசு கிறிஸ்துவை சிலுவையில் அறைந்ததினால் மிகப் பெரிய பாவத்தைச் செய்தார்கள். அதனால் அவர்கள் மீது நியாயத்தீர்ப்பு வரும் என்பதி அறிந்து,இயேசு கிறிஸ்து இவர்கள் மீது மனது உருகி பிதாவை நோக்கிப் பரிந்து பேசி,  தனது மரண நேரத்தில் கூட மன்னிப்பை உண்டு பண்ணினார்

இயேசு கிறிஸ்து தம் கடைசி வேளை வரைக்கும் மன்னிப்பைப் பிரசங்கித்தார். கற்றுக்கொடுத்தார். கர்த்தருடைய சீஷர்களுக்குகற்றுக்கொடுத்த ஜெபத்திலும், (மத்தேயு 6:12) "எங்கள் கடனாளிகளுக்கு நாங்கள் மன்னிக்கிறது போல எங்கள் கடன்களை எங்களுக்கு மன்னியும்" என்று கற்றுக்கொடுத்தார். பேதுரு இயேசுவினிடத்தில் எத்தனை முறை மன்னிக்க வேண்டும் என்று கேட்டபொழுது. (மத்தேயு 18:21-22) "அப்பொழுது, பேதுரு அவரிடத்தில் வந்து: ஆண்டவரே, என் சகோதரன் எனக்கு விரோதமாய்க் குற்றஞ்செய்துவந்தால், நான் எத்தனை தரம் மன்னிக்கவேண்டும்? ஏழு தர மட்டுமோ என்று கேட்டார் அதற்கு இயேசு கிறிஸ்து ஏழுதரம் மாத்திரம் அல்ல ஏழெழுபது தரம் மட்டும் மன்னிக்க வேண்டும் என்று உனக்குச் சொல்லுகிறேன்" அளவில்லாமல் நாம் மன்னிக்க வேண்டும் என்பதைக் குறித்து போதித்தவர் இயேசு கிறிஸ்து.

 

பரிசுத்த வேதாகமம்

கபாலஸ்தலம் என்று சொல்லப்பட்ட இடத்தில் அவர்கள் சேர்ந்தபொழுது, அவரையும், அவருடைய வலதுபக்கத்தில் ஒரு குற்றவாளியையும், அவருடைய இடதுபக்கத்தில் ஒரு குற்றவாளியையும் சிலுவைகளில் அறைந்தார்கள். அப்பொழுது இயேசு: பிதாவே இவர்களுக்கு மன்னியும், தாங்கள் செய்கிறது இன்னதென்று அறியாதிருக்கிறார்களே என்றார். அவருடைய வஸ்திரங்களை அவர்கள் பங்கிட்டுச் சீட்டுப்போட்டார்கள்.  லூக்கா 23:33-34

​

2} பைங்கூழ்
 

பரிசுத்த வேதாகமம்

அதற்கிடையில் சீடர், “ரபி, உண்ணும்” என்று வேண்டினர்.  இயேசு கிறிஸ்து அவர்களிடம்,   “நான் உண்பதற்குரிய உணவு ஒன்று உண்டு. அது உங்களுக்குத் தெரியாது” என்றார். “யாராவது அவருக்கு உணவு கொடுத்திருப்பார்களோ” என்று சீடர்கள் தங்களிடையே பேசிக்கொண்டார்கள். இயேசு அவர்களிடம், “என்னை அனுப்பியவரின் திருவுளத்தை நிறைவேற்றுவதும் அவர் கொடுத்த வேலையைச் செய்து முடிப்பதுமே என் உணவு என்றார்.    ...... யோவான் 4:31-34  அந்த வேலை என்பது உலகத்தில் உள்ள மக்களை இரட்சிப்பதுவே ஆகும்.

 

உலகத்தை ஆக்கினைக்குள்ளாகத் தீர்க்கும்படி தேவன் தம்முடைய குமாரனை உலகத்தில் அனுப்பாமல், அவராலே உலகம் இரட்சிக்கப்படுவதற்காகவே அவரை அனுப்பினார். யோவான் 3:17

​

3) களைகட் டதனொடு நேர்

 

"இன்றைக்கு நீ என்னுடேனேகூடப் பரதீசிலிருப்பாய் என்று மெய்யாகவே உனக்குச் சொல்லுகிறேன்" (லூக்கா 23:43). இயேசு கிறிஸ்துவின் வலது பக்கத்தில் சிலுவையில் தொங்கிக்கொண்டிருந்த ஒரு கள்ளன் "பிதாவே, இவர்களுக்கு மன்னியும், தாங்கள் செய்கிறது இன்னதென்று அறியாதிருக்கிறார்களே" (லூக்கா 23:34) என்று சொன்ன வார்த்தையைக் கேட்டான், அவனுடைய வாழ்க்கையில் மெய்யான இயேசு கிறிஸ்துவின் மன்னிக்கும் அன்பு அவனைத் தெட்டது. முதலாவது மற்ற கள்வனைப் போல அவனும் இயேசு கிறிஸ்துவை நிந்தித்தான், அவருடைய மன்னிப்பின் வார்த்தையைக் கேட்டபொழுது, அவன் தன்னை இரு பாவி என்பதை உணர்ந்து மற்றவனை நோக்கி நீ இந்த ஆக்கினைக்குட் பட்டவனாயிருந்தும் தேவனுக்குப் பயப்படுகிறதில்லையா? என்றும் நாமோ நியாயப்படி தண்டிக்கப்படுகிறோம் நாம் நடப்பித்தவைகளுக்குத்தக்க பலனை அடைகிறோம்; இவரோ தகாததொன்றையும் நடப்பிக்கவில்லையே என்று அவனைக் கடிந்துகொண்டு, இயேசுவை நோக்கி: ஆண்டவரே, நீர் உம்முடைய ராஜ்யத்தில் வரும்போது அடியேனை நினைத்தருளும் என்றான். இயேசு அவனை நோக்கி: இன்றைக்கு நீ என்னுடனேகூடப் பரதீசிலிருப்பாய் என்று மெய்யாகவே உனக்குச் சொல்லுகிறேன் என்றார். அந்த கள்ளன் தன்னைத் தாழ்த்தி மன்னிப்பைப் பெற்றுக் கொண்டான்.

 

இந்த குறள் செங்கோன்மை என்ற அதிகாரத்தின் கீழ் வருகிறது. செங்கோன்மை என்பது செங்கோல் ஆளுகையை காண்பிக்கிறது அதாவது சிலுவை மரத்தில் சிந்தப்பட்ட இரத்தத்தின் ஆளுகையாகும். செங்கோன்மை திருக்குறளில் 55 வது  அதிகாரம் ஆகும். அந்த அதிகாரம் முழுவதும் செங்கோலாகிய இரத்தம் சிந்தப் பட்ட சிலுவையின் ஆளுகையை பற்றித்தான் குறிப்பிடுகிறது. அதை ஆராய்ந்து பார்த்தால் மட்டுமே புரியும்.

 

கோன்மை

kōṉmai   s. (கோல்) ruling, governing, ஆளுகை. கௌ கௌசலம் , s. ability, திறமை; 2. artfulness, தந்திரம்.

 

செங் என்ற வார்த்தை உள்ள வார்த்தைகள் --- திருச்செங்கோடு, செங்கலம் உடையார், செங்கோற் கடவுள், செங்கோட்டு வேலவன், செங்கோடன், செங்குளம், செங்குளத்து ஸ்ரீ மாடசாமி, செங்கழுநீர், செங்குன்றூர், செங்குந்தர், செங்கோட்டை, செங்கோல்  இந்த வார்த்தைகள் அனைத்தும் தெய்வத்தின் இரத்தம் சிந்தப்பட்ட மரமாகிய சிலுவையையும் மற்றும் அவருடைய இரத்தத்தைப் பற்றியவை ஆகும். செங் என்ற வார்த்தை இரத்த சிவப்பைக் குறிக்கிறது என்பதற்கு ஒத்த வார்த்தைகள், செங்கல், செங்கோட்டை ஆகும்.

 

இதைப்பற்றி மேலும் அறிந்து கொள்ள திருச்செங்கோடு என்ற பக்கத்தைப் பார்க்கவும்    (GO)

 

நாம் தெய்வத்தை அரசன் என்று அழைக்கிறோம். எனவே இந்த அதிகாரத்தில் வரும் அரசன் என்ற வார்த்தை அனைத்தும் இறைவனையே குறிக்கிறது.

( உதாரணமாகத் திருப்பதி, ( திரு+ பதி ) கணபதி (கணங்கள் + பதி ) தியாகராஜன், நடராஜன், என்று பல பெயர்களில் தெய்வத்தை அழைக்கிறோம். )