குறள் 37 -- kural 37

​

அறத்தா றிதுவென வேண்டா சிவிகை
பொறுத்தானோ டூர்ந்தான் இடை

 

"திரள்கூட்டமான ஜனங்களும் அவருக்காகப் புலம்பி அழுகிற ஸ்திரீகளும் அவருக்குப் பின்சென்றார்கள்"  .லூக்கா 23:27

 

 

​

​

​

​

​

​

 

​அறத்தாறு இதுவென வேண்டா, சிவிகை

பொறுத்தவன் உடன் ஊர்ந்தான் இடை

 

இந்த குறளுக்கு உரை எழுதிய பலர் அறத்தின் வழி இது தான் எனத் தேட வேண்டாம். என்றும், அறத்தின் வழி இது தான் என்று நூல்களைக் கொண்டு மெய்ப்பிக்க வேண்டியதும் இல்லை.. பல்லக்கைத் தூக்கிச் செல்பவனையும் அதில் பயணிப்பவனையும் கண்ட அளவில் பயனை அறியலாம். எனக் குறிப்பிடுகின்றனர்.

 

இந்த விளக்கங்களில் எல்லாம் ஊர்ந்தான் என்பதின் அர்த்தத்தையும் சிவிகை என்பதின் அர்த்தத்தையும் தவறாக எடுத்துள்ளார்கள். அதின் அர்த்தத்தை ஆராய்ந்து பார்த்தால் தான் சரியான அர்த்தத்தை அறிந்து கொள்ள முடியும்.

 

சிவிகை பொறுத்தவன் மற்றும் உடன் ஊர்ந்தான் என்ற வார்த்தைகள் இந்த குறளின் அர்த்தத்தைச் சரியாக அறிந்து கொள்ள மிகவும் முக்கியமான வார்த்தைகள் ஆகும்.

 

சிவிகை பொறுத்தவன்

சிவிகை என்பதற்கு இரண்டு அர்த்தம் கொடுக்கப்பட்டுள்ளது

பல்லக்கு மற்றும் தண்டிகை (dooly) ஆகும். தண்டிகை என்பது பல்லக்கு தூக்க அல்லது சுமை தூக்கப் பயன்படும் இடைகழியாகும் (குறுக்கு கட்டையாகும்). இந்த குறளில் பல்லக்கு என்று எடுப்பதால்

அர்த்தம் தவறாக வருகிறது.

​

J.P.Fabricius Tamil and English Dictionary---- சிவிகை

civikai   s. a palanquin, litter, dooly, தண்டிகை; 2. a bullock cart.

சிவிகையார், சிவியார், a caste of palanquin bearers.

சிவிகையாளன், the owner of a palanquin.

https://agarathi.com/word/%E0%AE%9A%E0%AE%BF%E0%AE%B5%E0%AE%BF%E0%AE%95%E0%AF%88

 

பல்லக்கு சுமப்பவனுக்கும் பல்லக்கில் அமர்ந்து இருப்பவனுக்கும் இருக்கும் வித்தியாசம் அறத்தின் பயன் என்று  தவறாக அர்த்தம் எடுக்கப் பட்டுள்ளது. அமர்ந்து இருப்பவன் என்ற வார்த்தைக்கு உரியச் சொல் இந்த குறளில் பயன்படுத்தப் படவில்லை, ஊர்ந்தான் என்ற வார்த்தைக்கு மெதுவாக நகர்ந்து சென்றவர்கள் என எடுப்பதற்குப் பதிலாக அமர்ந்தவன் என அர்த்தம் எடுக்கப்பட்டுள்ளது தவறான ஒன்றாகும்.

 

குறுக்கு கட்டை அல்லது இடைகழியைச் சுமந்தவனுக்கும் கூட ஊர்ந்து சென்றவர்களைப் பார்த்தால் அறத்தின் வழி எது என்று தெரியும் என்பது அர்த்தம் ஆகும்.

 

உடன் ஊர்ந்தான்

உடன் ஊர்ந்தான் என்பது உடன் மெதுவாகச் செல்பவர்கள் ஆகும். ஆனால் இந்த குறளுக்கு அர்த்தம் எழுதியவர்கள் உடன் ஊர்ந்தான் என்பதை பல்லக்கில் ஏறி அமர்ந்து செல்பவர்கள் என அர்த்தம் எடுத்துள்ளார்கள். அந்த அர்த்தம் தவறு ஆகும்.

 

ஊர்தல் என்பது மெதுவாக நடந்து செல்வது ஆகும். ஒருவன் மெதுவாக நடக்கும் போது ஊர்ந்து போகாமல் வேகமாகப் போ என கூறுவது வழக்கம். அதே போல் எறும்பு ஊர்ந்து செல்கிறது என்றால் அது மெதுவாகச் செல்கிறது என அர்த்தம்.

 

எனவே ஊர்ந்தான் என்பதற்குப் பல்லக்கில் அமர்ந்து செல்பவன் என அர்த்தம் எடுப்பது குறளின் உள்ளான அர்த்தத்தை அறியாமல் எழுதப்பட்ட விளக்கங்கள் ஆகும்.

 

அறத்தாறு இதுவென வேண்டா, சிவிகை

பொறுத்தவன் உடன் ஊர்ந்தான் இடை

 

அறத்தாறு இதுவென வேண்டா = அறத்தின் வழி இது தான் எனத் தேட வேண்டாம்.

சிவிகை             = சுமை தூக்க பயன்படும் குறுக்கு கட்டை

பொறுத்தவன்       =  சுமந்தவன்

உடன் ஊர்ந்தான்    = உடன் மெதுவாக பின் சென்றவர்கள்

இடை              = நடுவில் நின்று பார்த்தால்

 

விளக்கம்

அறத்தின் வழி இது தான் எனத் தேட வேண்டாம். என்றும், அறத்தின் வழி இது தான் என்று நூல்களைக் கொண்டு மெய்ப்பிக்க வேண்டியதும் இல்லை.. குறுக்கு மரம் அல்லது இடைகழி அல்லது சிலுவை  தூக்கிச் செல்பவரையும் அவர் பின்னால் மெதுவாக ஊர்ந்து நடந்து சென்றவர்கள் நடுவில் நின்று கண்ட அளவில் அறத்தின் வழி இது என அறியலாம்.

 

இயேசுவை கொல்ல பயன் படுத்தப்பட்ட சிலுவை என்பது இரண்டு மரத்தால் ஆனது. ஒரு மரம் நெடுமரம் இரண்டாவது மரம் குறுக்கு மரம் ஆகும் நெடுமரம் மலையில் நடப்பட்டு இருக்கும், குறுக்கு மரம் சுமந்து செல்லப்பட்டு பிறகு ஒன்று சேர்க்கப்பட்டு அதில் இயேசுவை அடித்து கொன்றார்கள்,  இயேசு சுமந்து சென்றது குறுக்கு தடி ஆகும்,

குறுக்கு தடியின் பெயர்கள் = காவு தடி, இடைகழி, சிலுவை ஆகும்

நமது நாட்டில் இடைகழி அல்லது குறுக்கு மரத்தைத் தான் காவடியாகத் தெய்வத்தின் மரணத்தை நினைவு கூறும் வகையில் தூக்கிச் செல்கிறோம்.

​

​

​

​

​

​

​

​

இடைகழியை தூக்கிச் சென்று புனிதமான கழுமரம் அல்லது நெடுமரத்துடன் சேர்க்கும் போது முழு சிலுவை ஆகிறது. கழுமரத்தைப் பற்றி மேலும் தெரிந்து கொள்ளத் திருக்கழுக்குன்றம் என்ற பக்கத்தை பார்க்கவும்

https://www.narrowpathlight.com/thirukalukundram

​

மனிதர்களின் பாவம் தீர்க்க நிகழ்ந்த இயேசு கிறிஸ்துவின் சிலுவை மரணம்.

இயேசு தன் சிலுவையைச் சுமந்துகொண்டு கொல்கொதா என்ற இடத்துக்குச் சென்றார். செல்லும் வழியெல்லாம் அவரை சாட்டையால் அடைத்தனர். அதைப் பார்த்த பெண்கள் அனைவரும் அவர் படும் வேதனைகளைக் கண்டு கதறி அழுதனர். ( இதுவே அறத்தின் வழியாகும் அல்லது அறத்தாறு ஆகும் )

இயேசுவை கொல்கொதாவில் வைத்து சிலுவையில் அறைந்தனர். அவரின் ஆடையையும் களவாடிக்கொண்டனர். இந்த உலகில் ஜலத்தை இசைபாட வைத்த தேவகுமாரனின் இறுதி தாகத்துக்கு கசப்பான காடியை குடிக்கத் தந்தனர். இத்தனை வேதனைகளோடும் அவர் யாரையும் சபிக்கவில்லை.  மனிதர்களின் பாவங்களைத் தீர்க்கும் வாசலாக ஒளியாகத் தன் மரணம் அமையப்போவதை அவர் அறிந்திருந்தார்.அதற்காக அவர் சகலத்தையும் அந்த நாளில் சகித்துக்கொண்டார். 

இன்றைக்கு நாம் எளிதாகப் பாவங்களை இயேசுவின் ரத்தத்தினால் மன்னிப்புப் பெறுகிறோம். அவரின் சிலுவையின் நிழலில் இளைப்பாறுகிறோம். அப்படிப்பட்ட மீட்பை நமக்கு வழங்கும் தேவனின் பாடுகளை இந்த நாளில் நாம் தியானம் செய்தால் நாம் மீண்டும் மீண்டும் வாழ்வில் பாவங்களால் இடரலடையாது இருப்போம். 

https://www.vikatan.com/spiritual/gods/good-friday-time-to-think-and-thank-the-sacrifice-of-jesus-in-cross

​

இந்த குறள் அறன் வலியுறுத்தல் என்ற தலைப்பின் கீழ் 37வது குறளாக வருகின்றது. அறன் வலியுறுத்தல் என்பது தன்னைத் தான் பலியாக சிலுவையில் ஒப்புக்கொடுத்த முதல்வனைப் பற்றியது ஆகும்.

 

அறன் வலியுறுத்தல்

அறன்வலியுறுத்தல் என்பது உயிர்ப்பலியாகிய முதல்வனை வலியுறுத்தும் பகுதி, வேள்வி முதல்வன் அல்லது உயிர்ப்பலிக்குரியவன் ( one who sacrifice ) என அர்த்தம், அல்லது புனிதமான வேலையைச் செய்து முடித்தல் எனப்பொருள்படும் (Performing a sacred duty)

guru