திருவள்ளுவர் கூறும் எண்குணத்தான்யார் ?

(உள்ளே --- குறள் 1 முதல் குறள் 10 வரை விளக்கம்)

1. முகவுரை

திருக்குறள் ஒரு தெய்வீகப்படைப்பு, அது கடவுளைப்பற்றித்தான் பேசுகிறது, அதின் அர்த்தங்களை புரிந்து கொள்வது என்பது சற்று கடினமானது, ஏன் என்றால் அதின் அர்த்தங்களை தனக்குள்ளாகதானே மறைத்துக்கொண்ட ஒரு படைப்பு. எனவே தான் பலதமிழ் அறிஞர்கள் உரைகள் பல எழுதியிருந்தாலும் ஒன்றுக்கு ஒன்று பொருத்தமாக இல்லை. வேறுபடுகிறது. கடவுள் தன்னை தான் மறைத்துக்கொண்டவர், அவரை தேடித்தான் கண்டடைய முடியும்

திருவுந்தியார் தனது முதல் பாடலில் மெய்ப்பொருளாகிய கடவுளை யாரும் அகளமாய் அறிவது அரிது அதாவது யாரும் கடவுளை அவ்வளவு சீக்கிரமாக அறிந்து கொள்ளமுடியாது எனகுறிப்பிடுகிறார்.

திருவுந்தியார் 1

அகளமா யாரு மறிவரி தப்பொருள்
சகளமாய் வந்ததென் றுந்தீபற

தானாகத் தந்ததென் றுந்தீபற

திருக்குறள் பெரும் பாலும் கடவுளைப்பற்றித்தான் சொல்கிறது திருக்குறளில் மறைந்திருக்கும் மெய்ப்பொருளாகிய கடவுளைத்தேடித்தான் வணங்கவேண்டும்

பரிசுத்த வேதாகமம் கடவுளைப்பற்றி சொல்லும் போது ஏசாயா 45ஆவது அதிகாரம்:15ம் வசனத்தில்  இஸ்ரவேலின் தேவனும் இரட்சகருமாகிய நீர் மெய்யாகவே உம்மை மறைத்துக் கொண்டிருக்கிற தேவனாயிருக்கிறீர் எனக்குறிப்பிடுகிறது.

 

2)திருக்குறள் ( thirukkural )

திருக்குறளிலிருந்து கடவுளைக்காண்பித்தல் வேண்டும் என்றால் கடவுள்வாழ்த்து, வான்சிறப்பு, நீத்தார் பெருமை மற்றும் அறன் வலியுறுத்தல் ஆகிய பகுதிகளை ஆராய்ந்து பார்க்கவேண்டும்.

​2.1. கடவுள் வாழ்த்து

கடவுள் வாழ்த்து என்பது எண்குணத்தானாகிய (எட்டுகுணத்தானாகிய)  ஒரு கடவுளைப்பற்றி வாழ்த்தும் பகுதி பொதுவாக பார்க்கும் போது ஒவ்வொரு குறளும் தனித்தனிஅர்த்தம் உள்ளதாக இருக்கும்

 

2.2)வான்சிறப்பு

வான்சிறப்பு என்பது வானத்தில் இருந்து வரும் அருள் அல்லது கடவுளின் ஆவி அதாவது தூய ஆவி (HOLY SPRIT )பற்றிய சிறப்பு கூறும் பகுதி ஆகும். பொதுவாகப்பார்க்கும் போது நீர் மற்றும் மழையைப்பற்றி குறிப்பிடுவதாகத்தெரியும் ஆராய்ந்து பார்க்கும் போது வான் சிறப்பு என்பது வானிலிருந்து வரும் அமிழ்தம் அல்லது தூய ஆவியைப்பற்றி குறிப்பிடுவதை அறிந்துகொள்ளமுடியும். திருவள்ளுவார் தம்முடைய 11 வது குறளில் வானிலிருந்து வரும்‘ அருள்’ அல்லது ‘மாரியை’அமிழ்தம் எனகுறிப்பிடுகிறார், அமிழ்தம் என்பதற்கு தேவலோகத்தில் உள்ளபானம் அதாவது`பரிசுத்தஆவி` என்று பொருள்

குறள் 11 --  kural 11

வானின்றுலகம் வழங்கி வருதலால்,

 தானமிழ்தம் என்றுணரற் பாற்று.

​

2.3)நீத்தார்பெருமை

நீத்தார்பெருமை என்பது வானம் நீத்து அதாவது வானம் விட்டு இறங்கி வந்தவருடைய பெருமை கூறும்பகுதி (AVATAR)

பொதுவாகப்பார்க்கும் போது` ஒழுக்கம்` மற்றும் `பற்றுகள்` ஆகியவற்றை விட்டு வாழ்பவரைப்பற்றி பேசுவதாக இருக்கும். ஆராய்ந்து பார்த்தால் வானம் விட்டு இறங்கி வந்தவருடைய பெருமை கூறும் பகுதியாக அறிந்து கொள்ள முடியும். திருவுந்தியார் தமது 1ஆவது பாடலில் கடவுள் சகளமாய் வந்தார் என குறிப்பிடுகிறார் அதாவது எல்லோருக்கும் எல்லாமுமாய் இறங்கி வந்ததைக் குறிப்பிடுகிறார்

திருவுந்தியார் 1

அகளமா யாரு மறிவரி தப்பொருள்
சகளமாய் வந்ததென் றுந்தீபற

தானாகத் தந்ததென் றுந்தீபற

​

​2.4 அறன்வலியுறுத்தல்

அறன்வலியுறுத்தல் என்பது உயிர்ப்பலியாகிய முதல்வனை வலியுறுத்தும் பகுதி அதாவது நமக்காக வானத்தை விட்டு இறங்கி வந்து மனிதனாகப்பிறந்து தன்னையத்தானாகப்பலியாக ஒப்புக்கொடுத்த கடவுளைப்பற்றி கூறும் பகுதி எனப்படும். அறன்என்றால் வேள்வி முதல்வன் அல்லது உயிர்ப்பலிக்குரியவன் ( one who sacrifice ) என அர்த்தம், அல்லது புனிதமான வேலையை செய்து முடித்தல் எனப்பொருள்படும் (Performing a sacred duty).  திருவுந்தியார்தனது 3ஆவது பாடலில் கண்டத்தைக்கொண்டு கர்மம் முடித்தவர் என குறிப்பிடுகிறார் அதாவது தன் சாவைக்கொண்டு தனக்கு கொடுக்கப்பட்ட புனிதமான வேலையை செய்து முடித்தவர், புனிதமான வேலை என்பது ஆத்துமமீட்பாகும்

திருவுந்தியார் --- 3

கண்டத்தைக் கொண்டு கரும முடித்தவர்
(1)பிண்டத்தில் வாராரென் றுந்தீபற

பிறப்பிறப் பில்லையென் றுந்தீபற.
(1). பிண்டத்து

திருவுந்தியார்தனது 1ஆவது பாடலில் தானாகத்தந்தவர் என குறிப்பிடுகிறார் அதாவது தனது உயிரை தானாக முன் வந்து நமது ஆத்துமமீட்பிற்காக சிலுவையில் அல்லது காவுதடியில் பலியாகக்கொடுத்தவர் என குறிப்பிடுகிறார்

திருவுந்தியார் 1

அகளமா யாரு மறிவரி தப்பொருள்
சகளமாய் வந்ததென் றுந்தீபற

தானாகத் தந்ததென் றுந்தீபற.

 

உயிர்ப்பலியாகிய முதல்வனை வலியுறுத்தும் போது இயேசுவை முதற்பலன் எனகுறிப்பிடுகிறது பரிசுத்த வேதாகமம்

கிறிஸ்துவோ மரித்தோரிலிருந்து, நித்திரையடைந்தவர்களில் முதற்பலனானார். அவனவன் தன்தன் வரிசையிலே உயிர்ப்பிக்கப்படுவான், முதற்பலனானவர் கிறிஸ்து; பின்பு அவர் வருகையில் அவருடையவர்கள் உயிர்ப்பிக்கப்படுவார்கள்.(1 கொரிந்தியர் 15-20, 23)

​

 3). எண்குணத்தான் -- Eight characters 

எண்குணத்தான் என்றால் எட்டு குணமுடையவன் என்று தான் பொருள் கொள்ள வேண்டும். மணக்குடவர் தன் உரையில் எட்டுக்குணத்தினையுடையவன் என குறிப்பிட்டு உள்ளார்.  திருவுந்தியார்தனது 24ஆவது பாடலில் எட்டுக்கொண்டார் என்று கடவுளை பாடுகிறார்

திருவுந்தியார் - 24

எட்டுக்கொண் டார்தமைத் தொட்டுக்கொண் டேநின்றார்
விட்டா ருலகமென் றுந்தீபற

வீடேவீ டாகுமென் றுந்தீபற.

எண்ணூறு என்பது எட்டு நூறு எனப்பொருள்படும்

திருவள்ளுவர்தனது 9 வது குறளில் எண்குணத்தானைப்பற்றி குறிப்பிடுவது யோசிக்க வேண்டியது,  முதல் எட்டு ( ஒன்றுமுதல்எட்டு) குறள்களில் அந்த எட்டு குணங்கள் மறைந்து இருப்பதாகத்தான் அர்த்தம்.

திருக்குறள் 9 - Thirukkural 9

கோளில் பொறியின் குணமிலவேஎண்குணத்தான்

 தாளை வணங்காத் தலை.

கோள் = உலகம்          பொறியில் = புலன், உடம்பு

எண்குணத்தான்  = எட்டு குணத்தான்

முதல் குறள் முதல் எட்டாவது குறள் வரை மறைந்து இருக்கும் எட்டு குணத்தை உடைய எண்குணத்தானாகிய கடவுளை அறிந்து அவர் பாதத்தை வணங்காதவர்கள் கண்ணிருந்தும் காணாதவர்களாகவும்,  செவி இருந்தும் கேளாதவர்களாகவும்,  புலன் உணர்வற்று இருப்பார்கள்,    இந்த உலகத்திலும் குணம் இல்லாதவர்களாகவும் இருப்பார்கள்

4.) திருக்குறள்கூறும் (எட்டுகுணங்கள்)

குறள் 1 - kural 1 = எழுத்தெல்லாம்ஆதிபகவன்

வார்த்தையாகிய இறைவன் தன்னைத்தானே பகுத்து மூவரானவர்

(பிதா, பரிசுத்தஆவி, குமாரன்)

குறள் 2 - kural 2 = வாலறிவன்

பரிசுத்தமானவர்

குறள் 3 - kural 3 = மலர்மிசை ஏகினான்

மலர்ந்து அல்லது உயிர்த்து வானம் (HEAVEN)  சென்றவர்

குறள் 4 - kural 4 = வேண்டுதல் வேண்டாமை இலான்

விருப்பு, வெறுப்பு இல்லாமல் நியாயத் தீர்ப்பளிப்பவர்

குறள் 5 - kural 5 = இரு வினையும் சேராஇறைவன்

பிறப்பிலும், வளர்ப்பிலும் பாவம் இல்லாதவர்.

குறள் 6 -kural 6 = பொறி வாயில் ஐந்து அவித்தான்

பொறியாகிய கொலைக்கருவி (காவுதடி, காவடி,கோடு ஆயுதம்,சிலுவை) வழியாக ஐம்புலன்களால் ஆன தம் உடம்பை பலியாக்கினவர்

குறள் 7 - kural 7 = தனக்கு உவமை இல்லாதான்

தனக்கு நிகர்  வேறு யாரும் இல்லாதகடவுள்

குறள் 8 - kural 8 = அறவாழி அந்தணன்

நீதி நேர்மை ஆகிய அறத்தை கடலைப் போல் கொண்டு வாழ்ந்த அந்தணனாகிய (அழகிய குணமாகிய அருள்,கிருபை,இரக்கம் உடைய) கடவுள்

​

​